طيور الجنة في غزة

Standard

إستقبل أمس رئيس وزراء الحكومة المقالة إسماعيل هنية فريق طيور الجنة وسط ترحيب حكومي بهذه المبادرة التي كما قال أصحابها أنها أتت لكسر الحصار و التخفيف عن أطفال غزة.

رغم إعتراضي الشديد على ما تبثه هذه القناة من أناشيد و ما تسوقه من أفكار، فلا إعتراض على إقامة مثل هذه الحفلات و لكن ليس بإمكان أحد المتجارة بأطفالنا فدخول فريق طيور الجنة لم يأتي لكسر الحصار كما يدعون، في حال كانت تذاكر الدخول بقيمة 10 شيكل و ترى المؤسسة المستضيفة أن الإحتفلات سيحضرها أكثر من 50 ألف و في مصدر آخر قرأته على موقع صحيفة فلسطين أنه قد نفذت أكثر من نصف التذاكر و في حسبة سريعة،، في حال قد بيعت 25 ألف تذكرة تكون الإيرادات من الحفل 250 ألف شيكل و تعادل 71 ألف دولار..

و من خلال متابعتي لموقع صحيفة فلسطين على الإنترنت أن المبلغ الذي ستعود به الإحتفلات سيذهب لمشاريع خيرية تخص أطفال غزة. و هذا كلام غير منطقي، فلم ينظر فريق طيور الجنة إلى الإعلانات و المكبرات الصوتية التي تجول الشوارع و تحاول جذب إهتمام الأطفال، و قد رأيت هذا المشهد في شارع عمر المختار وسط تجمع العائلات و الأطفال، و في مشهد ثاني في مخيم النصيرات وسط مدينة غزة تنادي المكبرات للفقراء و المسحوقين في عجله الحياة و تفشي البطالة و غلاء الأسعار و الإستغلال من التجار و الساسة الذين لازل كل منهم حائراً في أمر الآخر.

فهل الفرحة و التخفيف عن معناة الأطفال تأتي لمن لهم القدرة بدفع رسوم هذه التذاكر فقط ؟

أي أن رب الأسرة التي تحتوي 4 أفراد مثلاً دفع ثمن 5 بطاقات ليرافقهم بالتالي يجب عليه دفع 50 شيكلاً.. 14 دولار تقريباً هذا و قد كان المكبرات الصوتية في ما سلف تنادي و تهتف بإسمهم و تعلن و ترفض فقرهم و تشكو حالهم؟!

فلا معنى لحضور الطيور المهاجرة التي تبحث عن رزقها أمام الصقور التي ان اكلت لا تاكل من بقايا الطيور وان جاعت تاكل من اكتافها ولاترضخ للغرور وهذا حال أطفال غزة.

أطفال تغني في أزقة المخيم، تجري راقصة وراء سيارات الإذاعة التي تعلن عن إحتفلات الطيور، رب الأسرة يقف حائراً يحجب عيون أطفاله و مسامعهم عن كل المؤثرات التسويقية للمشاريع الإستثمارية الخاصة و التي لا تعود عليه ولا على أطفاله بالنفع.

82 thoughts on “طيور الجنة في غزة

  1. Pingback: Shbbk | شبِّك
  2. قال اشتراكي شهير السماسرة ليس لهم أوطان
    وهؤلاء سماسرة كل شيء عندهم قابل للتسعير حتى الأطفال وأمنياتهم
    فهم ليس لهم أوطان ولا حتى طيور ولا جنات..هم زيف والخداع ذاته
    يا ابراهيم..كلنا كنا نغلي بالأمس..حتى السواق بالسيارة بقلي بسخرية..آلاف في استقبالهم والله كأنهم حررونا..تبعون البندورة الحمرة..مع احترامي لمن يحب الأغنية..

  3. احمد

    بحكو انو العائد تاعها راح يعملو في مشاريع
    بس على راي المثل موت يا حمار

    يعني بنصرف 15 الف $ عشان ترتيب الملفات في الوزارة و الناس مش لاقيا تاكل في شرع مين هادا
    ولا بنعمل عزومة غداء في نقابة المهندسين بمبلغ و قدره و في ناس مش قادرة تجيب رغيف الخبز

    لك اخخخخخخخخخخخخخخخ

  4. أفيُون!

    الإعتداءات بلغت حدها على جنوب لبنان، الجيش لم يدفع المستوطنين للنزول إلا الملاجئ و لاكنهم هربو إليها // هادا الخُوف

    خطاب الشيخ حسن نصرالله الساعة الثامنة و النصف و غزة تحتفل بالبندورة الحمرا

  5. بشار، مجنون يحكي وعاقل يفهم.خلي الشعب يفرح، خلي الشعب يغني، قصدي ينشد!

  6. حمساوي سابقاً فلسطيني حالياً

    ما يحصل في الشارع الغزي اليوم هو مهزلة شعبية تفتيش سيارات الآمنين في بلادهم و حراسات حكومية لمجموعة من الأطفال الغريبين ..

  7. مجموعة من الآراء كانت على صفحتي على الفيسبوك لنفس الموضوع.

    LooLoo Laloosh
    ‫كلآم فاضي .. !
    والله انو رقص بالعتمة ..
    مش عارفة ليش الناس مغرمين بهادي الفرقة ..
    فش فيها أي شيء جذاب انا شايفة ..
    كل غزة بتحكي فيهم الايام هادي ..
    الله يصبرنا ويكبر عقولنا

    Rasha Mohammed Alzebdeye
    ‫مجموعة التجار هذول مسموحلهم يدخلو غزة؟؟؟؟
    بالاضافة للافكار اللي بتسوقها هالقناة و الكلام الفاضي و المنتجات اللي بروجولها بالاردن بأغلى الاسعار حدا سألهم ليش ما عمرهم فكرو يتوجهو لأطفال المخيمات بالاردن او للأحياء الشعبية اللي كل اطفالها من …الشعب الفلسطيني قبل ما يغلبو حالهم ويروحو غزة ما دامهم حاملين القضية ونازلين يغنولها؟؟؟ ببساطة لانو اهل هالأحياء ما بنفعوهم و ما بقدرو يدفعو ثمن تذاكرهم المرتفعة اللي بتوصل ل10 دنانير
    مجموعة استغلاليين مش اكثر

  8. Nashwa Owda
    ‫عشان هيك الناس اللها يومين بتنتحر بغزة
    وهم قاعدين بيستقبلو وفود ل لم المصاري

    محمودراتب محمد
    ‫يعنى شو بدهم يعملو لاطفال فلسطين زى ما بيقولو ما هما على التلفزيون قدامنا بيتنططو كل يوم الاطفال زهقتهم من بياختهم وكل واحد بيروح هناك هادا بيكون شخص كتير فاضى بدهم عشره شيكل على التذكره وشوف كام قليل عقل بيروح

    أيضاً ..

  9. والله يا زميل هما مجرد منجل جديد بيحصدو فيه (حبايبنا) القمح عن تم اولادنا .. بس زي ما حكيت اطفال غزة صقور وان جاعت بتاكل من كتافها اما هالغربان الي هما مجرد مشروع من ضمن هالمشاريع الاستثمارية ما حيأثروا على هالبلد ( على رجلك )

  10. انا مني وعلي مش من معحبي الفرقة هادي .. بس يا جماعة الخير مهو عنجد فيه ناس مستعدة تصرف مصاري هنا وهناك عشان يغيرو جو … ومحدش بيقول لهم انتو وين

    يعني هيك بنظرة سريعة على الاسواق ولا المطاعم ولا الاستراحات ولا ولا .. احيانا هادول بيكونو
    مليانين عن اخرهم بالناس ومن كل الفئات .. فليش احنا نستكتر عليهم شمة الهوا ؟!

    يعني مش عارفة … انا حاسة انو بيكون موفقك من جية طيور الجنة مختلف لو كان مش جايين عن طريق الحكومة .. بعرفش اذا انطباعي صح ولا غلط

  11. zainab

    اثلجت قلبى بكلماتك اخى بشار
    انا فى بيتى حريصه كل الحرص انه اولادى ما يشاهدو هاى القناه او حتى يسمعو اغنيهم
    لانه مش معقول ولد عمره 3 سنين يعرف انه الى بيستشهد بيروح الجنه او الى بيكزب بيروح النار
    كفايه عليه يعرف انه هادا صح وهادا غلط
    ياريت المصارى الى بيحطوها ليفتحو هيك قنوات تروح لفتح قنوات تعليميه تعلم اولادنا الحروف والارقام والشمس والقمر والكرسى والطاوله
    كفايه عليهم .

  12. skoot

    لا فض فوك يا بشار

    لكن هناك حجة مقنعة , في حال انه سُمح لجميع اطفال غزة بالحضور الي هذا الحفل سيكون هناك ما يقارب مليون مواطن فلسطيني كبير وصغير ولا يأخذ الحفل حقه , ومن حجم الحضور المهيب لا يتسنى لاي احد رؤية هذه الطيور هي تغني ,بالتالي سيتم وضع شاشات عرض كبيرة وسط الحشد كالتلفاز تماما لايوجد فرق , اجلس بالمنزل واشاهد الحفل على التلفاز (مش انا طبعا) .
    لكن …
    بما ان ما يسمى طيور الجنة تدعي انها جاءت لتكسر حصار غزة فذلك لا يمنع من اقامة 50 حفلة او حتى 500 حفلة حتى يتسنى لجميع اطفال غزة الحضور بشكل مريح وواضح.

  13. ليس لدي اعتراض على اقامة الحفل أنا أيضاً ، ما اعترض عليه هو ذات الشيء الذي تعترض عليه بشار .. أنا لا أؤمن بهم ولا أثق برسالتهم ، وبات واضحاً وجلياً جداً أن كل ما يفعلونه هو تجارة ، خالد الذي لديه من الاطفال 3 اخرهم طفلة صغيرة تتربى على حياة زائفة وطفلان يعيشان أجواء الشهرة المسممة في ظل والدهم الكريم الذي أخفق جداً في تربيتهم وأعتذر عن صراحتي الشديدة في هذا الشان ، هكذا تربية لن تنشئ أكثر من الغرور والتكبر وقلة الفهم والمعرفة ، وقصة التذاكر كانت من أصعب الأمور على أرباب البيوت الفقيرة ، لم يستطع أن يحرم اطفاله من هذه الفرحة ، عمل بجد وحاول جمع المال لشراء التذاكر مع انه يستطيع ان يعيش على 50 شيكل أكثر من اسبوع ، ويأكل كل يوم أكلة فيهم ، ومع ذلك لم يحقق ما اراده ، فقد كانت الحفلة مذلة بحتة ! وبهدلة ما بعدها بهدلة .. غزة أصبحت فقط لشفقة أصحاب الكرفات الرخصاء ، سعيدة لأن بعض الأطفال استطاعوا ان يجنوا قليلاً من المرح .. لكن شعور “سحقاً لهم” أقوى بكثير ..
    أحييك بشار على ما قدمته ،

  14. ليس لدي اعتراض على اقامة الحفل أنا أيضاً ، ما اعترض عليه هو ذات الشيء الذي تعترض عليه بشار .. أنا لا أؤمن بهم ولا أثق برسالتهم ، وبات واضحاً وجلياً جداً أن كل ما يفعلونه هو تجارة ، خالد الذي لديه من الاطفال 3 اخرهم طفلة صغيرة تتربى على حياة زائفة وطفلان يعيشان أجواء الشهرة المسممة في ظل والدهم الكريم الذي أخفق جداً في تربيتهم وأعتذر عن صراحتي الشديدة في هذا الشان ، هكذا تربية لن تنشئ أكثر من الغرور والتكبر وقلة الفهم والمعرفة ، وقصة التذاكر كانت من أصعب الأمور على أرباب البيوت الفقيرة ، لم يستطع أن يحرم اطفاله من هذه الفرحة ، عمل بجد وحاول جمع المال لشراء التذاكر مع انه يستطيع ان يعيش على 50 شيكل أكثر من اسبوع ، ويأكل كل يوم أكلة فيهم ، ومع ذلك لم يحقق ما اراده ، فقد كانت الحفلة مذلة بحتة ! وبهدلة ما بعدها بهدلة .. غزة أصبحت فقط لشفقة أصحاب الكرفات الرخصاء ، سعيدة لأن بعض الأطفال استطاعوا ان يجنوا قليلاً من المرح .. لكن شعور “سحقاً لهم” أقوى بكثير ..
    أحييك بشار على ما قدمته ،

  15. حسام سالم

    بشار .. كلام سليم والجميع اعترض .. لكن حدث الأمر وانتهى اليوم الاول ..

    مثلاً .. انا ..

    رغك كل التعب الذي تعبته .. ورغم حلات السوفان والغياب عن الوعي ع ارض الاحتفال قبل ساعتين تقريباً .. الا انني رأيت ان الاهالي التي اتت لم تأتي لشيء الا لفرحة اطفالهم ..

    انا فرحت لفرحتهم ..

    فعلاً .. شعووووووووووور يجعلك تحلق في السماء فرحاً عند رؤيتك للجميع فرحان ومبسوط الكبير والصغير ..

    كان هناك 40 ألف متفرج اليوم ..

  16. safwan

    انت رائع بشار …

    احنا ما بدنا نسيء لحدا بل بلعكس احنا بنشكر كل شخص بحاول يخفف عن اطفال غزة بس ما تكون الحكاية كلها تجارة بتجارة والمردود المالي هوا نص مليون شيكل و شو نكتة هل حفلة انو بحكيلك التذاكر اليوم خلصت وصارت نظام سوق سوداء يعني التذكرة الي كانت بعشرة صارت بأضعافها وقال ايش بيعملولك مراعاه لو بدك تاخد كمية …. طبعا لسى ما حكينا على الاعلانات المدفوعة ولى عن راعاع الحفل , عموما هيني بنستنى المشاريع الخيرية🙂

  17. مخطئ حسام سالم .. ما جعلني أرد عليك هو انو حبيب قلبي اخوي الزغير حسام راح اليوم ، وكان هو السبب بروحتنا .. وللاسف ما انبسطت بلمرة بالعكس كان خايف كتير من الجو والناس والاصوات وما قدر يشوف شي لانو زغير .. والمصيبة الكبرى أن أكبر عدد من الحضور هم رجال ! رجال كبار !! وشباب صايعين بس بدهم يتحركشوا !! يعني اسمحولي بالله عليكو ! خليهم يلموا عزالهم ويروحو والله بكفي شفقة ولم مصاري من ورانا .. يا الله نص العالم بتاجروا فينا ، هادول كلياتهم فلسطينين ، بتفكر خالد مقداد بفكر اصلا في فلسطين .. ما هيو بنا حياتو وعمل قناة وبتاجر في أحلام اطفالنا وعقولهم باسم الدين والشهادة .. لا حول ولا قوة الا بالله .. وصلت معو لانو يقول ” لما نستشهد بنروح الجنة ” ، دخيلو انا !!!!!!!!!!!!!!!

  18. أفيُون!

    أهلاً بكم ، بصراحة أنا لا أقلل من قيمة مثل هذه الحفلات أبداً و مدرك تماماً مدى حب الأطفال لمثل هذه الأغاني بغض النظر عن محتواها .. و اتوقع انها من الحريات التي لا يمكن لأحد التعدي عليها او قمعها ..

  19. أفيُون!

    جهاد
    لا شيء ممنوع و حرية الرأي يكفلها القانون بغض النظر إن لم يكون يطبق

    إبراهيم
    أهلاً بك و هذا حال الجميع صدقني ..

  20. أفيُون!

    أسماء كلامك بيعجبني دايماً😉

    أحمد من حق الحكومة أن تختار الذي يناسبها و لا مانع من إقامة حفلات العشاء و الغداء و الفطور الجماعي ولكن ليس من جيب الغلابة و المسحوقين و النظر إليهم حتى لو بطرف البصر ..

  21. أفيُون!

    محمود أنا مش ضد صدقني انا نفسي الناس تكون مبسوطة و انا بعرف انو كثير من العائلات حتكون سعيدة متل ما بخبرنا صديقنا حسام و هادا اشي طبيعي ..

    و زينب الموضوع مش موضوع شو بغنو لإنو بغض النظر يقولو شو ما بدهم هاي حرية و الي بدو اياها و عاجبا طبيعي جداً لإنو اختلفت الأذواق و إختلفت الإنتماءات الفكرية و هادا شي ما بسبب مشكلة أبداً .. الموضوع إنو لشو كل هالرعاية و لشو كل هالسيارات و الإعلانات انا حزين على الأولاد الي مش حيقدرو يروحو و حزين على البلد الي حكومتها بتفكر انو هيك بصير كسر للحصار حصار مين الي بيكسرو شوية أطفال ؟!

  22. أفيُون!

    – أستاذ خليل أبو شمالة: شكراً على التعليق و أحيك على ما قرأت

    – حمساوي: لا تعليق

    – عُلا: أنا مُتفق معك و أنا مدرك تماماً أن أهلنا في غزة يعيشون حالة طبيعية جداً و في حديثك : يعني مش عارفة … انا حاسة انو بيكون موفقك من جية طيور الجنة مختلف لو كان مش جايين عن طريق الحكومة .. بعرفش اذا انطباعي صح ولا غلط .. فأنا أرى أن إنطباعك سليم جداً لأني لا أرى في هذه المناسبة التي مفترض أن تكون طبيعية جداً فهي تجارة معلنة و بإمكان أي كان ان يحضر و يقطع التذاكر بأي سعرٍ كان ، ولكن ما يحزنني أنه لازال بعض الأشخاص يعتقدون أن قضية غزة علكة في أفوههم فيقول فريق طيور الجنة ان الفريق كسر حصار غزة و يريد ان يرسم البسمة على شفاه الأطفال و اتوقع لو أنهم قد اعلنو عن الحفلة في ساحة الكتيبة مثلاً و جاء كل الأطفال فبهذا يتحقق هدفهم .. ولكن هناك تناقض غير طبيعي ..

  23. أفيُون!

    وقصة التذاكر كانت من أصعب الأمور على أرباب البيوت الفقيرة ، لم يستطع أن يحرم اطفاله من هذه الفرحة ، عمل بجد وحاول جمع المال لشراء التذاكر مع انه يستطيع ان يعيش على 50 شيكل أكثر من اسبوع ، ويأكل كل يوم أكلة فيهم ، ومع ذلك لم يحقق ما اراده ، فقد كانت الحفلة مذلة بحتة ! وبهدلة ما بعدها بهدلة .. غزة أصبحت فقط لشفقة أصحاب الكرفات الرخصاء ، سعيدة لأن بعض الأطفال استطاعوا ان يجنوا قليلاً من المرح .. لكن شعور “سحقاً لهم” أقوى بكثير ..
    أحييك بشار على ما قدمته ،

    هبة أنا أيضاً أحيكي فهذا فقط ما كنت أريد أنو أوصله تماماً

  24. أفيُون!

    وللاسف ما انبسطت بلمرة بالعكس كان خايف كتير من الجو والناس والاصوات وما قدر يشوف شي لانو زغير .. والمصيبة الكبرى أن أكبر عدد من الحضور هم رجال ! رجال كبار !! وشباب صايعين بس بدهم يتحركشوا !!

    -هبة/ ما حدث اليوم في غزة لا يختلف عن ما يحدث إن كان عمر دياب مثلاً هو ضيف هذا الإحتفال حالة الزحام و الإباحية المفرطة ليس لها علاقة بما يروجه القائمين و المنشدين من إلتزام أخلاقي و عدم تفشي الفواحش كما يسمونها .. فعلاً إباحية مفرطة !

  25. أفيُون!

    في مثل شعبي بيقول
    الغني غنولو ، والفقير …….

    محمود في مثل تاني بقول دزيتلك دزلي دزلي إمك و أبوك

  26. أفيُون!

    سكوت ، صفوان أهلاً بكم أيضاً لا نختلف كثيراً و بخصوص وجودكم هنا “إجعلوها عادة”

  27. محمود الخواجة

    لو ان الهدف الرئيسي هو جمع التبرعات من اجل اهل غزة لما جمعوا النقود من اهل غزة..
    بمعنى أخر الحفلة كان يجب ان تكون مجانية لأطفال غزة و بلا ما يلموا مصاري و ابصر وين بتروح

  28. حلو الكلام !!
    و فعلاً الرسالة الموجهة من القناة هادي (مشكوك بنوياها)
    و فعلاً إنو ممكن نلبس الكلام بللي بدنا اياه عشان يناسبنا، بس بالاخر الصح صح، تم استغلال الموقف تجاريا بوقت انو الاعلان عنو اخد منحنى اخر !

    مرة تانية صح الكلام…حلو الكلام

  29. محمود لقد تعودنا على الحفلات التي تقام خارج غزة و التي تكون بهدف التبرع إلى غزة على سبيل المثال ما حصر مؤخراً مع الفنان المصري تامر حسني الذي دفع مليون من إيرادات حفلاته تبرعات للغزة .

    ما حصل في غزة أمس ما هو إلا مهزلة فلسطينينة ليست الأولى و انا اعتبرها وصمة عار في وجه تجار الحصار و المعاناة، لا و لن تكن غزة علكة في أفواههم لا و لن يكون الحصار مصدر ربح رخيص لهولاء التجار. في حفل أمس تنافت العادة و تفشت الإباحية و و عدم التنظيم بسبب الجشع للمادة أدى إلى عدد من حالات الإغماء و الإختناق عند الأهالي.

  30. أحترمكـ بشار ، يجب أن يصل هذا الصوت لهم ويعرفون جيداً أننا لسنا سلعة رخيصة لا تفقه ولا تشعر ولا تفكر حتى ، تباً لهم ، اليهود مش أقل منهم مصايب !!! يجب أن يعلم هؤلاء الصغار أنهم ما جلبوا معهم سوى مزيد من العار والكذب ، وبالتأكيد الحكومة التي تستضيف هذه الفئة من الناس لا تختلف عنهم “لاشكلاً ولامضموناً” ، يتاجرون بنا ، وبالدين أيضاً !

  31. كلمة وحدة
    لا كلمتين غلطانة انا🙂
    طيووووووووووووووور الجنة طيوووووووووووووووووووور الجنة
    بيقولوا هيك اسمها

  32. مش عارف لما ابوك يدخن بعشرين شيكل في اليوم سم هاري ليش ما بتعترض، و لما هي أناشيد و طرح طيور الجنة مش عاجباك شو اللي بيعجبك؟ مادونا الماسونية ؟؟؟

    إخص على اللي انسلخ عن دينو و طنو .. و باع نفسو للشيطان …

    الله يهديكم

  33. أفيُون!

    عزيزي عبدالله ما ورد على لسانك يتنافى مع محتوى الكلام أنا لم أعترض على الحفل و لا على بيع التذاكر ، انا معترض على أن الحصار اصبح علكة لمن يحب ان يعلكها و هذا شيء منافي لمن له دين و وطن و لم يبع نفسه للشيطان بعد . شكراً لك

  34. ابو مهند

    رأيي في الموضوع انه كل شخص يفعل ما يستطيع عليه مثلا الي قادر يشيل سلاح بقاوم من اجل غزة ويلي ما بقدر يدعي الله من اجل غزة
    هدول بنشدوا من اجل غزة والحصار خير ما عملوا العيب على الناس يلي فيداها اكثر من هيك وساكته احنا ليش هيك روحو شوفوا اولاد اليهود شو بعملوا وشو بعلموهم
    بحكي يلي خايف على مشاعر الطفولة (لما نستشهد بنروح الجنة ) اطفال اليهود بكتبوا رسايلهم على قدائف المدفاعية قبل قصفها على غزة ولبنان (موجود بالصور على النت)
    الله يهدينا ويهدي كل المسلمين (لا تتعود على حب الانتقاد افعل اي شيءغير مخالف للاسلام والسنة خير من السكوت)

  35. علي اليعقوبي

    تلوث سمعي وبصري وفكري .
    اعتقد انها مساهمة فاعلة في تنشيط الاقتصاد الفلسطيني بالتحديد سوق الترمس والدرة المسلوقة والبراد والحلوى..

  36. عبدالله ، كلامك هوَ المخالف للدين والأخلاق أيضاً ، استغرب من من يدعون أنهم متدينين ، ولا يحسنون التعامل مع غيرهم ، فالدين معاملة قبل طيور الجنة ومادونا ، وبشار والمؤيدين ، لم يرد منهم أبداً أن ما يعترضون عليه هي فرقة طيور الجنة ويفضلون مادونا عنهم ، وعلى حد كلامك أقل شيء مادونا ما بتتاجر وبتبيع في حالها ، لكن هادول بتاجروا في الأطفال ويبحثون عن مؤيدين متدينين لانهم يعملون تحت اسم الدين والتربية الصالحة ، وهذا كله منافي للتربية الصحيحة ، والدين لم يكن يوماً سقفاً لجلب النقود ، على فكرة السفاهة باتت واضحة حين قلت “اخص ” ، وأصبحت ترجم في الكلام رجم ، صدقني أخ عبدالله ، الدين أبداً ما هوا راضي عن تعليقك هادا ، ولا قابل فيك لو تصرفاتك مع كل الناس بهادا الاسلوب ، حسستني انو احنا قاعدين قعدة لاسمح الله ، الكلام الي حكينا كلام وارد وصحيح ولا ينافي أبداً الحقيقة ، ونحن جميعاً ابدينا رضانا عن موضوع واحد وهو أن اسعاد الاطفال كان ممكناً مع انه لم يتحقق بالشكل اللازم والمتخيل ، فالأطفال لم يصلوا لأقدام الشباب والرجال الحاضرين إلى الحفل .. وبين الدين وعبادة المظاهر ليس هناك اي تجانس ، وبين الدين و قبح المعاملة ليس هناك أي تجانس ، وبين الدين والتجارة ليس هناك أي تجانس .. لذا بالله عليك احتفظ بغلطك ورمي كلام على حدا تاني !!

  37. أبو مهند ، عفواً يعني؟؟ ، هههههههه!!! أنت مثال واضح لما ننتقده هنا ! الإنشاد للحصار يعجببك ؟ والكلمات تسعدك؟ ، ولما يقولو ” لما نستشهد بنروح الجنة ” بعجبك !!!!!!:|:| ، حقاً يعني ؟ ثم إنو من متى يا أصحاب الرسالات السامية تتشبهون باليهود و تبحثون عن أعذار في جعبة أفعالهم و تصرفاتهم ، إن أكبر انتهاك للطفولة هو حثهم على الموت ! ، ولا تقل لي شهادة ، شهادة ماذا يا اخي ، هي الشهادة بهالبساطة ؟ ، وهذا بالتأكيد ليس حب انتقاد ، انما صوت عالي يرتفع ولا يخشى أحداً ، ولا يخفي واقعية وحقيقة الأمور شيئاً ، لا مصلحة ، وانتماءات ، لا يحكمه سوى الفكر والوعي !

  38. عفواً ، في تعليقي على عبدالله ” مادونا بتتاجر وبتبيع في حالها ، لكن هادول بتاجروا في الأطفال ويبحثون عن مؤيدين متدينين لانهم يعملون تحت اسم الدين والتربية الصالحة ، وهذا كله منافي للتربية الصحيحة “

  39. هيا الناس بغزة بدها تفرح رغم كل شي
    واللي عندو أطفال يا ويلي غصب عنه بدو يبسطهم حتى لو يضطر يتداين أو ما شابه

    وكلنا بنعرف أفيون إنه ريع هيك حفلات لوين بروح بالظبط
    يعني صارت قصة معروفة
    الله يصلح الحال

  40. كتير رائع مقداد ونحن نعرفه جيدا ونعرف نواياه والله كانت الحفله اكتر من رائعه تمنيت لو انني اتيت معهم لحظة واحدة الى غزة
    فرقة طيور الجنة جميلة جدا جاذبه ليس فقط للأطفال بل للكبار والاجداد ايضا انها قناة جذابه بالفعل

  41. بالنسبه لأخي (عبدالله )كلامك منطقي يعني الدخان لايعتبر مصاريف ابدا
    لاكن رؤيه نجوميه هادفه في وسط الفن الأسلامي الرائع والهادف كتير غالي
    وبالذات ان العائدات كلها راجعه الكم ياأهل غزه مو هاد كلو عشانكم وعشان تفرح اطفال غزه؟؟؟
    الله يسامحكم
    (ان الله لايغير مابقوم حتى يغيرو ما بأنفسهم) صدق الله العظيم

  42. أفيُون!

    لا هبة المشكلة انو المقال واضح انا ما تجرأت على المضمون الي بردو فيه ، بس هيك ناس بدها سنين علشان تفهم المقصود غالباً من الأردن و يعطيكم العافية إخونا و اتمنى أن تعيدو النظر في تعليقاتكم🙂

  43. انا احب كل المشتركين في طيور الجنة واحب شوي ديمة لئنو بحسها كتير شايفا حالهة ورغد الوزان دمها كتير خفيف ولين بحبها كتير وجنا احلا وحدة لئنها صغيرة انا بحبها اتر وحدةوشكرا

  44. Pingback: Shbbk | شبك
  45. السلام عليكم بصراحة كل حكيك اخ بشار ما عجبننني بالمرة مع احترامي لك بس شو قصدك بيتاجروا بالأطفال !!!!!!!!!!!!!!يعني ايش فيها والله الأطفال انشهرو اكتر من علامة التاريخ يعني بعدين أهلهم راضيين ولا علشان يعني كل يوم بدولة ولأنو القناة حققت نجاح خارق صار الشاطر يلي بدوا ينقدها ويطلع فيها عجججايب الدنيا العشرة بصراحة ما بسمحلك تحكي هذا الكلام لا انت ولا اي حدا او اي رد في قلة ادب وبعدين مالها البندورة الحمرا ولا حضرتك ما بتاكلها يلي يتحكي عالبندورة هيك احسن ولا يحطوا على قنوات تانية تخرب عقلهم وبعدين يلي بيجيب سيرة ديما بشار بالعاطل بيقول انها زنخة الله يجمعني في يوم لحتى اقص لسانو ناس فاضية ماوراها الا تعييب الناس روحو دورو على اكلكم وشربكم احسن

  46. ياريت كل واحد يدور على اكلو وشربو احسن وبلا هالحكي الفاضي هذا من كل واحد مرسل رد يعني ماحدا دافع اشي من جيبو لحتى يتكلم
    مو عاجباك البندورة الحمرا بلاش كلو البندورة الصفرا احسن
    ناس فاضية

  47. الأفيوني

    فرح سمير ، و إنتي كثير كثير بتعقدي و دمك خفيف بس خفيها من هون شوي🙂 لإنو ما إلو علاقة تعليقك بالموضوع و شكراً لهمتك..

  48. الأفيوني

    زهرة الأقصى ، يا وردة قلتلك إنو تعودنا نسمع حفلات بتصير بكل العالم بتروح عوائدها لغزة إما انو أهل غزة يعملو حفلة علشان يدفعو لأنفسهم و يفكو حصارهم هادا اسمو تخلف و ضحك على الدقون

    بخصوص الرد التاني صعب جداً تفهمي قديش انا حريص على مصلحتك و أكلي و شربي مش اهم من أكلك ..

  49. همجية تشكل خطر محدق على ما تبقى من صمتنا أمامها ! ،

    في ظنهم يصفعون الباب في وجهكم ، إنما هم يزيدون أعينكم اتساعاً ..

  50. على فكرة انا لا همجية ولا اشي اخت هبة لكن في ناس بتحب تفرض رأيها عالكل وبتحب الكل يخضعلوا وبالظاهر انت وحدة من هالناس ويبدو انك بدك الكل يمشي على هواك يا اما بيصيروا اعدائك وبصراحة ومن- دون زعل الحق من الأساس علي فتح هيك حوار يعني والله في شغلات بتستاهل الواحد يتناقش فيها ياريت تسكر الموضوع كله وفش داعي للتجريح يلي حضرتك يا بنت الحايك ابتستخدمي هذا الاسلوب وهذا ما لاحظتوا على ردودك وبصراحة يلي أثار فضولي للكتابة هو اسلوبك الغروري وثقتك الزايدة يلي وصلت للغرور شكرا كتير لرد الأفيوني على فكرة أنا جدا بحترم ردك لأنك استخدمت اسلوب لبق في الرد يمكن أنا كنت متسرعة بردي لأنو الموضوع اثار فضولي على فكرة انا فلسطينية وغزاوية اب عن جد يعني ……………………..

  51. ههههه، غاوي مطاقعات يعني ولا شو بالزبط ،
    يا سيدي ولا يهمك .. بما انو مدونتك بتحترم كل الشتائم والبذائات .. يمكن الصورة وصلت ^^

    اه وشي تاني ، انا مقلتش زهرة الاقصى همجية .. اعطيت ردي ورحت وبالتأكيد انا مش حغيرو تحت اي ظرف يعني بما اني ما خصصت حدا ، وانتي صنفتي حالك ضمن الفئة الي بحكي عنها .. سو انا شو اعمل يعني😀

    وبعدين مش لاقية بكل هالصفحة غيري ، دخيلو انا عليااا كل هادا بلفت النظر

  52. وجهك وجي احترام والله ياهبة الحايك بعمري مارح أفتح على هالمدونة يعني شو ماكان ردك مارح يهمني ولا اشي

  53. السلام عليكم ورحمة الله والله يا اخ بشار انو معاك حق بكل اشي قلتلوا بس يعني شو طالع بايدنا نعمل الحفل صار وخلص والمصاري وضعت بالعب يعني انتهى كتير اعجبتني ردودك أخت هبة الحايك بس يعني انت وزهرة الأقصى يعني حساكم رح تمزعوا شعور بعض والله احنا خوات بالاسلام وفش داعي لهذا الشي استاذ بشار بتمنى من كل قلبي انو اي رد زي هيك او في تجريح بلاش تعرضوا عشان ما تنتشر العداوة والبغضاء بين مسلمين حتى ما بيعرفوا بعض بتمنى ما اكون ضايقت حدا

  54. عندي نكتة لزهلاة الأقصى وهبة الحايك مرة عروس يوم عرسها بيدوروا عليها لقوها بدافش الباصات المعازيم ليش؟؟؟؟؟؟؟؟بدها تركب معاهم

  55. ع فكرة يا زهر شكرأ بداية لمبادرتك يعني🙂 ، بس انا ما بعرفها بالتالي ما بحمل غل في قلبي عليها ولا ع حدا ، ليش احمل حالي على ناس ما بعرفهم عفواً🙂 ، بالنسبة إلي الأمر عابر وصار كتير متلو😀

    واللي بعارض حدا بقعدش يحكي هيك، حتى لو انا حكيت بس حكيت قاعدة عامة اؤمن بها مش نقيت وحدة من كل الصفحة وطبيت اسفه فيها ! هع ! اه ويا زهرة .. مدونتي بتعيطش يعني واخر شي بفكر فيه الكم اللي بفوتها على اد ما بهمني العقل الي بفوتها😀

    عموماً شكراً إلك يا زهر السبنفج🙂

    بشار ، سوري :S

  56. تسلمي حبيبتي هبة بشكرك على هذا الرد والله ضحكتيني احنا رهيبين احنا بس المهم النكتة عجبتك(انسينا الموضوع الرئيس

  57. مقلوبة

    ولك يا بشار لليوم بتحكو بطيور الجنة.. بيقلك القذافي ملوش حساب بنكي.. ومسبار الفضاء تاه في الكون.. وقاعدين بيستنسخوا نمل.. وانت قاعد هان شو بتسوي.. بتنظم بسير الكلام تبع الناس عن طيور الجنة..! طيب أنا بس اشوفك بفرجها ربنا..! لسا قبل يومين كانت مولعة معك ونفسك تكتب موضوع جديد..! يال هات جديد..!🙂

  58. محمدمیر

    السلام علیک یا عزیزی.

    عفوا یا صدیقی،انا اعرف عربی قلیلا قلیلا، لکن قرات بعض وبسایتک.
    آمل ان تکون بصحه و الموفقیه.
    انا و اصدقائی الطلاب نحبون القدس العزیز ،والفلسطین واهالیه العزیز، و مخصوصا غزه العزیز و اهالیه الشریف و الشجاع. نحن نحب الذی نطلع من داخل غزه و قضایا فلسطینیه و الناس الذین فی غزه.
    یمنحکم الله جمیعا القوه والقدره و الصبر.
    ان اجعل الصور من غزه، هذا جید جدا.
    ارجو ان تقبل رسالتی.
    بریدی خربان. بریدی الفوق غلط.

  59. It’s a shame you don’t have a donate button!
    I’d without a doubt donate to this fantastic blog! I suppose for now i’ll settle for bookmarking and adding your RSS feed
    to my Google account. I look forward to fresh updates
    and will share this blog with my Facebook group.
    Chat soon!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s